Dərin qorxu

Hadisələr 1980-ci illərin Parisində cərəyan edir. Üç tələbə məzuniyyəti qeyri-adi şəkildə qeyd etmək üçün Parisin məşhur yeraltı katakombalarına enmək qərarına gəlir. Qaranlıq tunellərdə irəliləyən gənclər təsadüfən 717 nömrəli əfsanəvi hərbi bunkeri aşkar edirlər.

Çox keçmir ki, onlar bu yeraltı sığınacağın nasist əsgərlərindən qalan yeganə miras olmadığını anlayırlar. Köhnə labirintlərdə gizlənən təhlükə gənclərin əyləncəsini dəhşətə çevirir. Yeraltı dünyada onları keçmişin qaranlıq izləri və gözlənilməz kabus qarşılayır.

2022-ci il istehsalı olan «Deep Fear» qorxu filmi Fransa və Belçika kinematoqrafçılarının birgə işidir. Ekran əsərinin rejissoru Qreqori Beqindir. Əsas rolları Olivye Boni, Tussen Kolombani, Sofiya Lezafr və Jozef Olivan canlandırıb.