Kimsəsizliyin qəlbində

Hadisələr XIX əsrdə insanlardan təcrid olunmuş bir fermada cərəyan edir. Balaca Dieqo valideynləri ilə birlikdə xarici dünyanın təhlükələrindən uzaq durmaq üçün məhz bu kimsəsiz yerə sığınıb. Valideynləri uşağın təhlükəsizliyi üçün sahədə xüsusi xətt çəkərək oradan kənara çıxmağı ona qəti qadağan edirlər.

Bir gün atası Dieqoya qorxu ilə qidalanan və tədricən yaxınlaşaraq qurbanını məhv edən gizli bir məxluq haqqında rəvayət danışır. Çox keçmədən ailə başçısı təsərrüfatı tərk edir. Tək qalan ana isə gözəgörünməz bir varlıqdan dəhşətli dərəcədə qorxmağa başlayır.

2021-ci il istehsalı olan «El páramo» qorxu filminin rejissoru David Kasademuntdur. İspaniya istehsalı ekran əsərində əsas rolları İnma Kuesta, Roberto Alamo, Asyer Flores və Alexandra Hovard canlandırıblar.