İnfeksiya

Karakasda iki rusiyalı inşaatçı qadağan olunmuş maddələr qəbul edir və onlardan biri ağlını itirərək yoldaşına hücum çəkir. Xəsarət alan fəhlə oradan qaça bilsə də, bədənində daşıdığı naməlum virusun fərqinə varmır. Beləliklə, şəhərdə qarşısıalınmaz və dəhşətli bir epidemiyanın əsası qoyulur.

Eyni vaxtda kənd yerində yaşayan dul həkim oğlunu nənə və babasının yanına göndərir. Ertəsi gün həkim yaxınlıqda yaşayan qonşuların qəribə və aqressiv hərəkətlər etdiyini müşahidə edir. Ölkənin hər yerinə qorxunc virusun yayıldığını anlayan ata nəyin bahasına olursa-olsun oğluna çatmağa çalışır.

«İnfeksiya» (Infección) filmi 2019-cu ildə rejissor Flavio Pedota tərəfindən lentə alınıb. Meksika və Venesuela istehsalı olan qorxu filmində əsas rolları Ruben Qevara, Ronnie Nordenflycht, Anibal Grunn və Ananda Trokonis canlandırır.