Kölgə

İraqdakı hərbi xidmətdən sonra Devid sakitləşmək üçün meşəlik ərazidə velosiped gəzintisinə çıxır. Səfər zamanı o, Anjelin adlı qızla tanış olur. Lakin onların dinc istirahəti çox çəkmir: yollarını kəsən iki aqressiv quldur bu cütlüyü hədəf seçərək onları ovlamağa başlayır.

Təqibdən canını qurtarmağa çalışan Devid və Anjelin meşənin daha sıx və qaranlıq guşələrinə doğru qaçırlar. Lakin sığınacaq axtardıqları bu yerdə onları silahlı təqibçilərdən qat-qat dəhşətli bir təhlükə gözləyir.

«Kölgə» (Shadow) qorxu filmi İtaliya istehsalıdır və rejissor Federiko Dzampalyone tərəfindən lentə alınıb. 2009-cu ildə buraxılan ekran əsərinin əsas rollarında Canpyero Konyoli, Ottaviano Blitç, Mett Patrezi və Ceyk Maksvorfi çəkiliblər.