Cin ovsunu

Hadisələr 1989-cu ildə anasını yenicə itirmiş Dilan adlı lal oğlanın ətrafında cərəyan edir. Atası ilə birlikdə yeni evə köçən baş qəhrəman tezliklə orada qəribə ovsun kitabçası tapır. Atası gecə növbəsində işdə olduğu zaman uşaq arzularını gerçəkləşdirmək ümidi ilə xüsusi ayin vasitəsilə cini çağırmaq qərarına gəlir.

Lakin qədim ayin Dilanın gözlədiyi nəticəni vermir və onun istəyi həyata keçmir. Əvəzində isə çox keçmədən mənzilin içərisində qorxulu və izaholunmaz hadisələr baş qaldırmağa başlayır. Tənha qalan uşaq qəflətən peyda olan qaranlıq güclə üz-üzə gəlir.

"The Djinn" qorxu filmi 2020-ci ildə ABŞ kinematoqrafçıları tərəfindən istehsal edilib. Ekran əsərinin quruluşçu rejissorları Devid Şarbonye və Castin Pauelldir, baş rolları isə Ezra Dyu, Con Erikson və Ayzia Dell canlandırıb.