Bal ayı

Yeni evlənən Pol və Bi birgə həyatlarının başlanğıcını göl kənarındakı sakit bir məkanda qeyd etmək qərarına gəlirlər. Gənc cütlük hər kəsdən uzaqda dinc və romantik vaxt keçirməyi planlaşdırır. Lakin bir gecə Pol həyat yoldaşının meşədə azdığını gördükdə bu sakit səyahət narahatedici məcraya yönəlir.

Qızın davranışı qısa zamanda dəyişir: o, getdikcə yadlaşır və özünə qapanır. Nələr baş verdiyini anlamağa çalışan Pol bunun sadəcə yuxuda gəzmək olduğuna artıq inana bilmir. O, gecə meşədə həyat yoldaşının başına qorxunc bir hadisə gəldiyindən şübhələnməyə başlayır.

ABŞ istehsalı olan «Bal ayı» (Honeymoon) qorxu filminin rejissoru Li Canyakdır. 2013-cü ildə ekranlara çıxan bu filmdə baş rolları Rouz Lesli, Ben Huber, Henri Lourens və Hanna Braun canlandırıb.