Stopmotion

Ella kukla animasiyası sahəsində şöhrət qazanmış anasının kölgəsində yaşayır. Artrit xəstəliyindən əziyyət çəkən anası sonuncu filmini qızının əli ilə tamamlamağa çalışsa da, qəfil insult keçirir və proses yarımçıq qalır.

Bu hadisədən sonra Ella başqa bir mənzilə köçür. Orada qonşuluqda yaşayan balaca qızla tanış olur və onun danışdığı hekayənin təsiri altında öz şəxsi filmini çəkməyə qərar verir.

2023-cü il istehsalı olan «Stopmotion» qorxu filminin rejissoru Robert Morqandır. Böyük Britaniyada çəkilən bu ekran işində əsas rolları Eşlinq Françozi, Bricitta Roy, Ceyms Harris və Aleks Friborn canlandırıblar.