8

Valideynlərini itirən balaca Meri əmisi və xalası ilə birlikdə köhnə bir fermaya köçür. Qız tezliklə bu torpaqların qədim gücə malik olması və burada ölülərlə əlaqə qurmağın mümkünlüyü barədə yerli əfsanəni öyrənir.

Lakin Meri bilmir ki, dünyasını dəyişənləri geri qaytarmaq istəyənlərdən qaranlıq qüvvələr canlı ruhları tələb edir. Bu mübadilə baş tutarsa, cəhənnəmə açılan qapıların qarşısını almaq mümkün olmayacaq.

Cənubi Afrika istehsalı olan «8» qorxu filminin rejissoru Harold Holscherdir. 2019-cu il ekran əsərində baş rolları Luxolo Ndabeni, Qart Breytenbax, Qrem Klark və İnqe Bekmann canlandırıb.