Attikus İnstitutu

Henri Vest telekinez və telepatiya kimi qeyri-adi bacarıqlara malik insanları öyrənmək məqsədilə Attikus İnstitutunu təsis edir. Mərkəzdə müxtəlif pasiyentlər sınaqdan keçsə də, laboratoriyaya Cudit Uinsted adlı qadının gəlişi hər şeyi dəyişir. Onun nümayiş etdirdiyi fövqəltəbii güclər alimləri heyrətə salır və bu vəziyyət qısa müddətdə ABŞ ordusunun diqqətini cəlb edir.

Sonrakı təcrübələr artıq hərbçilərin nəzarəti altında davam etdirilir. Həkimlər müşahidələr zamanı qadının bədənində şeytani, qaranlıq qüvvələrin məskən saldığını başa düşürlər. Ordu rəhbərliyi Cuditi silaha çevirmək niyyətinə düşsə də, qarşılaşdıqları bu qorxunc gücü idarə etməyin qeyri-mümkün olduğunu görürlər.

2014-cü ildə ABŞ-da çəkilmiş «Attikus İnstitutu» qorxu filminin rejissoru Kris Sparlinqdir. Əsas rolları Cerald Makkallax, Co Qvarneri, Mark Şröder və Franklin Dennis Cons canlandırıblar.