Məşuqə

Yeni evlənən Meddi və Parker Los-Ancelesdə yerləşən qədim Viktoriya dövrünə aid mülkə köçürlər. Evə yerləşərkən gənclər köhnə fotoaparat tapır və onun içində naməlum gənc qadının fotosunu aşkarlayırlar. Həmçinin tapıntılar arasında Rebeka adlı şəxsin qələmə aldığı sevgi məktubları da var.

Hər gün bu məktublardan birini oxumağa qərar verən ər-arvad keçmişin gizli təfərrüatlarını öyrənirlər. Lakin bu kəşflərlə yanaşı evdə qəribə hadisələr cərəyan etməyə başlayır və Parker gecələr peyda olan bir kabus görməyə başlayır.

«The Mistress» qorxu filmi 2022-ci ildə ABŞ-da rejissor Qreq Pritikin tərəfindən çəkilib. Əsas rollarda Con Maqaro, Billie, Rebekka Uokler və Rey Don Çonq çıxış edir.