Leave

Gənc amerikalı Hanter ögey atasına kollecə getdiyini desə də, əslində bioloji valideynlərini axtarmaq üçün Norveçə yola düşür. Hələ körpə ikən onu qəbiristanlıqda tərk etmişdilər və bədəni satanist rəmzləri olan parçaya bükülmüşdü. Qız öyrənir ki, həmin dövrdə onların şəhərində Norveçdən olan blek-metal qrupu qastrolda olub.

Doğma ailəsini tapmaq ümidi ilə yad ölkəyə qədəm qoyan Hanter çox keçmədən gözlənilməz təhlükə ilə üzləşir. Şimala gəldiyi andan etibarən qaranlıq bir varlıq onun izinə düşür və qızı addım-addım təqib etməyə başlayır.

«Leave» adlı qorxu filmi 2022-ci ildə Norveçdə çəkilib və rejissoru Aleks Herrondur. Əsas rollarda Mirabelle Pinker Spilde, Morten Holst, Ellen Dorrit Petersen və Alisiya fon Rittberq çəkiliblər.