Liftdə oyun

Şəhər əfsanələrindən bəhs edən populyar video kanalın komandası öz sadiq izləyicisini təcrübəçi kimi işə götürür. Yeni gələn gənc dərhal yeniyetmələr arasında yayılan təhlükəli internet rituallarından birini yoxlamağı təklif edir. Qaydaya görə, lift düymələrini dəqiq ardıcıllıqla basdıqda qapılar başqa dünyaya açılır və orada kabus peyda olur.

Komanda çəkiliş üçün yaxın vaxtlarda bir qızın eyni oyunu oynayaraq yoxa çıxdığı iddia edilən ofis binasına yollanır. Gənclər növbəti buraxılış xatirinə qorxulu şayiəni kameraya almağa çalışırlar. «Elevator Game» filmi qorxunc mistik təcrübənin necə nəticələndiyini nümayiş etdirir.

ABŞ istehsalı olan qorxu filmi 2023-cü ildə rejissor Rebeka MakKendri tərəfindən çəkilib. Layihədə əsas obrazları Darren Uoll, Adam Hertiq, Veriti Marks və Cino Ananiya canlandırıblar.