Cekson üçün hər şey

Yaşlı bir ər-arvad hamilə qadını qaçıraraq şəhərdən kənardakı evlərində dustaq edir. Dünyasını dəyişmiş nəvələrinin acısına dözə bilməyən cütlük onu geri qaytarmaq məqsədilə qaranlıq ayin həyata keçirir. Onlar uşağın ruhunu hələ doğulmamış körpənin bədəninə köçürməyi planlaşdırırlar.

Sehr və cadu barədə heç bir təcrübəsi olmayan yaşlılar mərasim zamanı nəzarəti itirirlər. Nəticədə evə başqa aləmdən narahat və qəddar ruhlar doluşmağa başlayır. Hadisələr qorxulu və təhlükəli bir məcraya yönəlir.

Kanada istehsalı olan «Anything for Jackson» qorxu filminin rejissoru Castin C. Daykdır. 2020-ci il ekran işində baş rolları Keytlin Lib, Skott Kvalehyeru, Selvin Şurqold və Kler Stolleri canlandırıb.