Yem

Sosial media mütəxəssislərindən ibarət gənc komanda yeni bir layihə üzərində işləməyə başlayır. Onlar köhnə ailə biznesinin tanıdılması və canlandırılması üçün xüsusi sifariş qəbul edirlər. Nəticədə qrup üzvləri işləri ilə əlaqədar təbiət qoynuna yollanır.

Çəkilişlər zamanı gənclər gölün ortasında yerləşən kiçik bir adada köməksiz qalırlar. Rəvayətlərə görə, həmin ərazidə qədim İsveç cadugəri məskən salıb və «Feed» filminin qəhrəmanları bu qaranlıq miflə təkbətək qalmaq məcburiyyətində olurlar.

İsveç istehsalı olan qorxu janrlı filmin rejissoru Yohannes Perssondur. 2022-ci ildə ekranlara çıxan lentdə əsas rolları Yoel Lyutsov, Molli Nutli, Vinsent Qral və Mikael Odhaq canlandırıb.