Seans

Kamill qızlar üçün nəzərdə tutulmuş nüfuzlu internat məktəbinə yenicə qəbul olunur. Bu təhsil ocağında bir qədər əvvəl şagirdlərdən biri müəmmalı şəkildə həyatını itirib və hadisənin sirri hələ də açılmayıb.

Məktəbdə daha bir qızın ölümü baş verəndə Kamill vəziyyəti araşdırmağa başlayır. Tezliklə məlum olur ki, bütün bu bəlalar digər şagirdlərin zarafatla keçirdiyi bir ritualla bağlıdır; onlar illər öncə həmin binada intihar etmiş qızın ruhunu çağırmışdılar.

ABŞ istehsalı olan «Seance» qorxu filminin rejissoru Saymon Barretdir. 2020-ci ildə ekranlara çıxan lentdə Syuki Uoterhaus, Medisen Biti, Taya Ayott Burns və Kliff Samter kimi aktyorlar çəkilib.