Uyğun Bədən

Morqa eybəcər vəziyyətə salınmış bir cəsəd gətirildiyi vaxt psixiatriya şöbəsində yatan qorxu içindəki Elizabet Derbi rəfiqəsi doktor Apton ilə dəhşətli xatirələrini bölüşür. Əvvəllər uğurlu psixoterapevt olan Elizabetin həyatı qəbuluna gələn gənc pasiyentin dediklərindən sonra tamamilə dəyişir. Gənc oğlan atasının onun bədənini ələ keçirmək istədiyini iddia edərək kömək istəyir.

Vəziyyəti ağır şəxsiyyət pozuntusu kimi qiymətləndirən həkim bu qeyri-adi hadisə ilə dərindən maraqlanır. Şəxsi və peşəkar sərhədləri pozaraq pasiyentin evinə yollanan Elizabet özünü təsəvvürəgəlməz təhlükənin və müəmmalı hadisələrin mərkəzində tapır.

ABŞ istehsalı olan «Uyğun Bədən» (Suitable Flesh) qorxu filmi 2023-cü ildə rejissor Co Linç tərəfindən çəkilib. Baş rollarda Hizer Qrem, Karl Hanter, Cona Rey və Kim Barnard çəkiliblər.