Spell

Nyu-Yorkda yaşayan vəkil Markus illərdir danışmadığı atasının vəfat xəbərini aldıqdan sonra ailəsi ilə birlikdə yola çıxır. Həyat yoldaşı və iki yeniyetmə övladını götürən kişi şəxsi kiçik təyyarəsi ilə Kentukki ştatındakı dəfn mərasiminə yollanır. Lakin Appalaç dağları üzərindən uçarkən güclü qasırğaya düşən təyyarə qəzaya uğrayır.

Ağır xəsarət alan Markus huşunu Eloiz adlı yaşlı bir qadının evində bərpa edir. Ev sahibi onu müalicə etdiyini və həyata qaytardığını bildirsə də, kişinin ailəsi barədə suallarına heç cür cavab vermir. Çox keçmədən Markus bu qadının hudu sehri və mistik ayinlərlə məşğul olduğunu fərq edir.

«Spell» qorxu filmi 2020-ci ildə ABŞ-də istehsal olunub. Ekran əsərinin rejissoru Mark Tonderaydır. Əsas obrazları Lorreyn Barrouz, Ri-Karlo Hendi, Andre Ceykobs və Kris Eypril canlandırıb.