Palata

Kristen adlı gənc qız qapalı psixiatriya xəstəxanasına yerləşdirilir. Müalicə aldığı bu şöbədə ondan başqa daha dörd qız qalır. Gecələr hər tərəf qaranlığa qərq olanda dəhlizlərdən qorxulu səslər eşidilir və Kristen burada yad bir varlığın olduğunu anlayır.

Çox keçmədən palatadakı pasiyentlər tək-tək yoxa çıxmağa başlayırlar. Xəstəxanada dəhşətli hadisələrin baş verdiyini görən Kristen sağ qalmaq və oradan qurtulmaq üçün qaçmağı qərara alır.

«The Ward» («Palata») qorxu filmini amerikalı rejissor Con Karpenter çəkib. 2010-cu il istehsalı olan ABŞ ekran əsərində baş rolları Memi Qammer, Cared Harris, Den Anderson və Sidni Suini canlandırıblar.