Onlar

Klementina evinə tələsərkən yol kənarında tərk edilmiş çirkli bir avtomobil görür. O, dayanmadan yoluna davam edir və ötən gecə bu maşındakı insanların başına nələrin gəldiyi ilə heç maraqlanmır.

Nələrin baş verdiyi isə qaranlıq düşəndən sonra aydınlaşır. Gecənin bir aləmində qəfil çalan qəribə telefon zəngləri və öz-özünə işə düşən televizor Klementina ilə sevgilisini yuxudan oyadır.

«Onlar» (Ils) adlı qorxu filmi Fransa və Rumıniyanın birgə istehsalı olaraq 2006-cı ildə ekranlara çıxıb. Ekran əsərinin rejissorları David Moro və Ksavye Palüdür, əsas rolları isə Mikael Koen, Aleksandru Bohiu, Emanuel Stefanyuk və Horiya İoan canlandırıb.