MadS

Gənc oğlan dostları ilə əylənməyə getməzdən əvvəl narkotik maddə əldə edir və yola düşür. Lakin qısa bir fasilə zamanı onun avtomobilinə sarğılar içində olan naməlum qadın minir. Haradansa qaçdığı bəlli olan bu qəribə sərnişin qəfil özünə xəsarət yetirir və oğlanın üst-başını qana bulayır.

Polislə problem yaşamaqdan çəkinən sürücü dərhal evinə qayıtmaq qərarına gəlir. Çox keçmədən qorxulu hadisənin fəsadları özünü büruzə verir. Gəncin bədənində və düşüncəsində izahı çətin olan dəhşətli dəyişikliklər başlayır.

Fransa istehsalı olan «MadS» qorxu filmi 2024-cü ildə rejissor David Moro tərəfindən çəkilib. Ekran əsərinin baş rollarında Milton Riçi, Lori Pavi, Adel Qatto və Saşa Rudakova çıxış edir.