Pıçıltı

Maks keçmişdəki səhvlərini unudub yeni bir həyata başlamaq istəyir, lakin məhkumluq həyatı ona mane olur. Maddi sıxıntılardan qurtulmaq üçün o, şəxsiyyəti bilinməyən bir sifarişçinin təklifini qəbul edir. Bu cinayət planını həyata keçirmək üçün Maks iki şübhəli şəxslə əlbir olmaq məcburiyyətində qalır.

Onların vəzifəsi ştatın ən zəngin qadınlarından birinin azyaşlı oğlunu qaçırmaqdır. Lakin oğurlanan uşaq heç də göründüyü kimi günahsız və sadə deyil. Qısa müddət sonra qaçırılan uşağın sirli və qorxulu tərəfləri cinayətkarlar üçün gözlənilməz təhlükəyə çevrilir.

2006-cı il istehsalı olan «Whisper» («Pıçıltı») qorxu filminin rejissoru Stüart Hendlerdir. ABŞ, Böyük Britaniya və Kanada tərəfindən birgə çəkilən ekran əsərində rolları Kaynan Vib, Kevin MakKenzi, Rekxa Şarma və Rod Boss ifa edir.