Come True

On səkkiz yaşlı Sara evdən uzaqlaşdıqdan sonra uşaq meydançasında gecələməyə məcbur qalır. Gecələr gördüyü qorxunc və qəribə görüntülər onun rahat yatmasına imkan vermir. Yuxu problemlərini araşdıran institutun könüllülər axtardığını öyrənən gənc qız bu təcrübəyə qatılmaq qərarına gəlir.

İştirakçıların bədəninə çoxsaylı sensorlar bərkidilir və sınağın ilk gecəsindən sonra Sara özünü dincəlmiş hiss edir. Lakin mütəxəssislər ona tədqiqat zamanı qeydə alınan qara-ağ şəkilləri təqdim etdikdə vəziyyət dəyişir. Qeyri-müəyyən, lakin tanış görünən bu təsvirlər qızda qəfil tutmaya səbəb olur.

Kanada istehsalı olan «Come True» qorxu filmi 2020-ci ildə nümayiş olunub. Ekran əsərinin rejissoru Entoni Skott Börnzdür. Baş rolları Kaya Koulmen, Lendon Libuaron, Mişel Rios və Tiffani Helm canlandırıb.