Şaman

Kendis həyat yoldaşı və oğlu ilə birgə Ekvadorda, vulkan ətəyində yerləşən kiçik bir icmada missioner kimi fəaliyyət göstərir. O, yeni dinə gələn yerli sakinlərə hər addımda nümunə olmağa çalışır və övladının ilk dini ayinini səbirsizliklə gözləyir.

Mühüm hadisə ərəfəsində yeniyetmə təsadüfən qadağan olunmuş mağaraya daxil olur və onun bədəninə qaranlıq bir ruh sahiblənir. Baş verənlərdə yerli şamanı günahlandıran Kendis öz etiqadı və inancları ilə bağlı ağır bir sınaq qarşısında qalır.

«Shaman» adlı qorxu filminin rejissoru Antonio Neqredir. ABŞ və Ekvadorun birgə istehsalı olan 2024-cü il ekran əsərində əsas rolları Humberto Morales, Kuri Fueres, Dilan Takuri və Segundo Fueres canlandırıblar.