Şəhidlər

Yetmişinci illərin əvvəllərində Fransada təxminən bir il ərzində itkin sayılan balaca Lüsi kənd yolunda tapılır. Ağır psixoloji sarsıntı keçirən uşaq başına gələnlər haqqında heç nə danışa bilmir.

İllər keçsə də, aldığı travmanın fəsadları qızın yaxasını buraxmır. Artıq böyümüş Lüsi rəfiqəsi ilə birlikdə iki yeniyetmə övladı olan adi və nüfuzlu bir ailənin şəhərkənarı evinə qəfil soxulur. Belə görünür ki, qızların bu ailə ilə keçmişdən qalan köhnə haqq-hesabı var.

«Martyrs» qorxu filmi rejissor Paskal Lojye tərəfindən çəkilib. Fransa və Kanadanın birgə istehsalı olan bu ekran əsəri 2008-ci ildə işıq üzü görüb, əsas rollarda isə Luiz Buasver, Mişel Kormye, İzabel Şasse və Patrisiya Tulasne çəkiliblər.