Qaranlıq

Amerikada uzun müddət yaşadıqdan sonra gənc Reginanın ailəsi İspaniyaya qayıdır. Onlar təxminən qırx il boş qalmış qədim və böyük bir malikanəyə köçürlər. Tezliklə qızın kiçik qardaşı evin soyuq divarları arasında qorxulu və gözəgörünməz bir varlığın olduğunu hiss etməyə başlayır.

Evdə baş verən izahsız hadisələr və ailə başçısının qəribə davranışı uşaqlara bu məkanın qaranlıq sirr saxladığını göstərir. Qarşıdan isə nadir günəş tutulması yaxınlaşır. Hər ötən gün ailə üçün yeni sınaqlar və sirli qorxular gətirir.

«Qaranlıq» (Darkness) qorxu filmi 2002-ci ildə ABŞ və İspaniya kinematoqrafçıları tərəfindən birgə istehsal olunub. Ekran əsərinin rejissoru Jaume Balaquerodur. Əsas rollarda Stefan Enkvist, Fransesk Paxos və Req Uilson çəkiliblər.