Şeytan təqvimi

Keçmiş rəqqasə Yeva artıq gəzə bilmir və günlərini əlil arabasında keçirmək məcburiyyətindədir. Ad günündə rəfiqəsi ona kiçik komoda bənzəyən qədim ağac təqvim bağışlayır. Təqvimin hər qapısının arxasında arzuları gerçəkləşdirən sehrli konfet gizlənir.

Lakin arzulanan hər istəyin dəhşətli bir əvəzi var. Təqvimi açıb bu sirli oyuna başladıqdan sonra ondan imtina etmək artıq mümkün olmur. Hər yeni gün Yevanı daha amansız sınaqlar qarşısında qoyur.

«Le calendrier» qorxu filmi Fransa və Belçika istehsalı olaraq 2020-ci ildə ekranlara çıxıb. Ekran əsərinin rejissoru Patrik Ridremondur, əsas rolları isə Olivye Bonjur, Lora Presqurviç, Siril Qarnye və Jan-Fransua Qarro canlandırıb.