Sübh çağına qədər

Klover itkin düşmüş bacısını axtarmaq üçün dostları ilə birlikdə onun sonuncu videoçarxı çəkdiyi ucqar yerə yollanır. Şiddətli yağışdan qurtulmağa çalışan gənclər meşənin içində yerləşən kimsəsiz və qəribə bir ev taparaq orada sığınacaq axtarırlar.

Qaranlıq düşdükdən sonra onların qarşısına maskalı nəhəng bir qatil çıxır və hər kəsi amansızcasına öldürür. Lakin ölümdən dərhal sonra personajlar yenidən ayılırlar: onlar zaman döngəsinə düşüblər və eyni qorxunc gecəni təkrar-təkrar yaşamağa məcburdurlar.

2025-ci il istehsalı olan «Until Dawn» qorxu filminin rejissoru Devid F. Sandberqdir. ABŞ və Macarıstanın ortaq layihəsində əsas rolları Maya Mitçell, Villem van der Veqt, Odessa Ezayon və Ella Rubin canlandırıblar.