Dead End

Frenk uzun illər boyunca ailəsini Milad bayramı üçün qayınanasının yanına eyni marşrutla aparırdı. Lakin bu dəfə o, yolu qısaltmaq qərarına gələrək meşənin içindən keçən kimsəsiz bir şose seçir. Sükan arxasında mürgüləyən ailə başçısı qəzanın bir addımlığından dönsə də, səyahət davam edir.

Yol kənarında ağ paltarlı qəribə bir qadını görən Frenk ona kömək təklif edir, lakin bundan sonra qorxulu hadisələr zənciri başlayır. Qaranlıq yolda sürücüsü görünməyən qara cənazə maşını peyda olur və insanları bir-bir gecənin zülmətinə doğru aparır.

«Dead End» qorxu filmi 2003-cü ildə Fransada lentə alınıb. Layihənin rejissorluğunu Jan-Batist Andrea və Fabris Kanepa həyata keçirib, baş rolları isə Stiv Valentayn, Klement Bleyk, Ember Smit və Aleksandra Holden canlandırıblar.