Cəhənnəm evi

Beş il əvvəl tərk edilmiş oteldə Hellouin münasibətilə təşkil edilən qorxu atraksiyonunun açılışı faciə ilə nəticələnmişdi. Həmin gecə rəsmi məlumata görə texniki nasazlıq səbəbindən on beş ziyarətçi və işçi həyatını itirmiş, bəzi qurbanların cəsədləri isə tapılmamışdı. Əvvəlki sahibin və satanistlərin binada ayin icra edərək kütləvi intihar etməsi isə yerli sakinlər arasında oteldə cəhənnəmə açılan qapının olması barədə şayiələr yaratmışdı.

Sənədli film çəkən komanda həmin müəmmalı hadisə yerinə qayıtmaq qərarına gəlir. Məqsədləri o müdhiş gecədə əslində nə baş verdiyini və həqiqətin nədən ibarət olduğunu araşdırmaqdır.

«Hell House LLC» filminin rejissoru Stiven Konyettidir. 2015-ci ildə ABŞ-da istehsal olunmuş bu qorxu filmində əsas rolları Ceb Kriqer, Adam Şnayder, Co Bendelli və Miranda Robbins canlandırıblar.