Dead Silence

Yeni evlənmiş Cemi və Liza qapılarının ağzında naməlum bağlama tapırlar. Qutunun içindən qarın danışdıranın köhnə kuklası çıxır. Həmin axşam Liza müəmmalı şəkildə amansızlıqla qətlə yetirilir və bütün şübhələr dərhal onun ərinin üzərinə yönəlir.

Cinayətdə ittiham olunan Cemi həqiqəti təkbaşına araşdırmaq qərarına gələrək böyüdüyü doğma şəhərə üz tutur. Uzun fasilədən sonra atası ilə görüşən gənc yerli sakinlərin qorxulu əfsanəsi ilə qarşılaşır. Məlum olur ki, vaxtilə burada yaşamış Meri Şo adlı qadın vəfat etdikdən sonra bütün kuklaları ilə birgə dəfn olunmasını vəsiyyət edibmiş.

«Dead Silence» qorxu filminin rejissoru Ceyms Vandır. ABŞ və Kanada istehsalı olan bu ekran əsəri 2006-cı ildə işıq üzü görüb. Əsas rolları Rayan Kvanten, Ember Valletta, Cudit Anna Roberts və Donni Uolberq canlandırıblar.