Cry Wolf

Yaxınlıqda yaşayan bir qızın qətlinin üstü açılmamış qalır və bu vəziyyət bir qrup tələbənin diqqətini çəkir. Yoldaşlarına kələk gəlmək istəyən gənclər Qurd ləqəbli uydurma qatil haqqında şayiələr yayırlar. Onların yaratdığı obraz narıncı maska və kamuflyaj geyinir, əlində isə böyük bıçaq gəzdirir.

Uşaqlar növbəti qurbanların əlamətlərini qabaqcadan təsvir edərək ətrafdakıların yalanı üzə çıxarıb-çıxarmayacağını yoxlamağa çalışırlar. Lakin zarafat kimi başlayan bu oyun tezliklə dəhşətə çevrilir, çünki siyahıya salınan hədəflər həqiqətən bir-bir öldürülməyə başlayır.

ABŞ istehsalı olan «Cry Wolf» qorxu filmi 2005-ci ildə nümayiş olunub. Ekran əsərinin rejissoru Ceff Uodludur, əsas obrazları isə Sabrina Qilbert, Eşli Piksli, Şona Sols və Ranel Conson canlandırıblar.