Alukarda

Qadın monastırına yenicə gətirilən Jüstin otaq yoldaşı Alukarda ilə tez bir zamanda yaxınlaşır. Qəribə baxışlara malik Alukarda yeni rəfiqəsinə ölümə olan marağından və Jüstinə qarşı bəslədiyi sevgi hisslərindən bəhs edir.

Alukarda dostunu tərk edilmiş kilsəyə apararaq o biri dünyaya birgə getməyə and içməsini tələb edir. Qorxuya düşən Jüstin qanla bağlanacaq əhdi tamamlaya bilmir, lakin bu əsnada Alukardanın bədəninə iblis daxil olur. Həmin andan etibarən monastır sakinlərinin həyatı əsl cəhənnəmə çevrilir.

1977-ci ildə istehsal olunmuş Meksika qorxu filmi «Alucarda, la hija de las tinieblas» Xuan Lopes Moktesuma tərəfindən çəkilib. Baş rolları Tina Romero, Adriana Riverol, Syuzan İnman və Damian Duena canlandırırlar.