Həyətdəki qadın

Ərinin avtomobil qəzasında həlak olmasından sonra Ramona iki övladı ilə tənha qalır. Üstəlik, ayağı sındığı üçün təmiri bitməmiş kənd evində sərbəst hərəkət etməkdə çətinlik çəkir. Ailə bu ağır itki ilə barışmağa çalışdığı bir vaxtda, onların həyətində qəribə bir hadisə baş verir.

Bir gün qapının qarşısında stulda oturmuş qara geyimli naməlum bir qadın peyda olur. Ətrafda kilometrlərlə heç kim yaşamır, gələn qonağın isə ailə ilə bağlı heç də yaxşı niyyəti yoxdur. «The Woman in the Yard» filmi kimsəsiz bir ərazidə qəfil yaranan təhlükə ilə üzləşməkdən bəhs edir.

Qorxu janrında çəkilmiş bu ABŞ filminin rejissoru Jaume Collet-Serradır. 2025-ci il istehsalı olan ekran işində əsas rolları Danielle Deadwyler, Peyton Jackson, Chad Pitter və Estella Kahiha canlandırırlar.