Cobweb

Səkkizyaşlı Piterin dostu yoxdur və məktəbdə bir sinif yoldaşı ona daim sataşır. Gecələrin birində oğlan yataq otağının divarından gələn səslər, daha sonra isə pıçıltı eşitməyə başlayır. Valideynləri isə bu şikayətləri sadəcə uşaq xəyalının məhsulu hesab edərək ona inanmırlar.

Divar arxasındakı gizli səs isə susmur və Piterlə danışmağa davam edir. O, əvvəlcə məktəbdəki zorakı uşağa necə dərs verməyi öyrədir, ardınca isə valideynlərinin qaranlıq sirlər gizlətdiyini bildirir.

ABŞ istehsalı olan «Cobweb» qorxu filminin rejissoru Səmuel Bodindir. 2022-ci il ekran əsərində baş rolları Kleopatra Koulmen, Stefani Tomas, Cessi Sara Vilinski və Keyt Nikols canlandırıb.