Sosok Ketiga

Tələbəlik illərindən bəri rəfiqə olan Nuri ilə Yuni bir-birlərinin sevgililərinə göz dikməyəcəklərinə söz vermişdilər. İllər sonra Nurinin Antonla qurduğu ailə həyatı bir neçə uğursuz hamiləlik səbəbindən sınağa çəkilir. Rəfiqəsinin ərinə aşiq olan Yuni qadağan olunmuş sehirdən istifadə edərək Antonu özünə bağlayır. Ərinin başqası ilə evlənməsinə razılıq verən Nuri isə ailədə uşaq doğulacağına ümid edir.

Yuninin hamiləliyi yeddinci aya çatdıqda iki qadın arasındakı gizli düşmənçilik daha da kəskinləşir. Bununla yanaşı, hamilə qadın evdə izaholunmaz və qorxunc fövqəltəbii hücumlara məruz qalmağa başlayır.

2023-cü il istehsalı olan «Sosok Ketiga» qorxu filminin rejissoru Dedi Mersidir. İndoneziya ekran əsərində baş rolları Nunu Datau, Selin Evangelista, Roviena Umboh və Marshel Widianto canlandırıb.