Eqzorsizm

Dəhşət filminin çəkilişlərində ekzorsist rolunu oynamalı olan aktyor gözlənilmədən həyatını itirir və onun yerinə Entoni Miller dəvət edilir. Həyat yoldaşının vəfatından sonra uzun müddət içki problemi yaşayan Entoni nəhayət bu vərdişi geridə qoyub və peşəsinə qayıtmaq üçün çalışır.

Lakin çəkiliş meydançasındakı iş Entoniyə olduqca ağır gəlir. Onun şəxsi köməkçisi kimi fəaliyyət göstərən qızı Li atasının getdikcə dəyişən davranışlarını izləyir. O, atasının yenidən spirtli içkilərə başladığını, yoxsa onunla daha qorxunc və müəmmalı hadisələrin baş verdiyini anlamaqda çətinlik çəkir.

ABŞ istehsalı olan «Eqzorsizm» qorxu filmi 2024-cü ildə təqdim edilib. Ekran işinin rejissoru Coşua Con Millerdir. Baş rolu Rassell Krou canlandırıb, digər rollarda isə Treysi Bonner, Sem Uortinqton və Coş Uorren çəkiliblər.