Sığınacaq. Ruhların pıçıltısı

Gənc tərbiyəçi azyaşlı bacısı ilə birgə uşaq sığınacağına gəlir və burada çalışmağa başlayır. Qısa müddət sonra qızlar binada baş verən qorxulu və anlaşılmaz hadisələrlə üzləşirlər. Hər iki bacını narahat edən qüvvələr onları addım-addım təqib edir.

Onlara rahatlıq verməyən varlıqlar on il əvvəl həmin məkanda həyatını itirmiş uşaqların və onların ölümündə ittiham olunmuş keçmiş rəhbərin qisasçı ruhudur. Ruhları sakitləşdirmək üçün bacılar illər öncə baş vermiş faciənin izinə düşməli və qaranlıq məkanın sirrini öyrənməli olurlar.

Kamboca istehsalı olan «Sığınacaq. Ruhların pıçıltısı» (Bon Das Sa Neang Reatrei) qorxu filmi 2024-cü ildə işıq üzü görüb. Ekran əsərinin quruluşçu rejissorları Dip Sela və Leak Lidadır. Əsas obrazları Jenna Norodom, Moni Reaksa, Oum Vuthichey və Sim Sopheakmorney canlandırıb.