Sorop

Yaxın qohumlarının ard-arda dünyasını dəyişməsindən sonra iki bacı doğma şəhərlərinə qayıtmaq məcburiyyətində qalır. Valideynlərinin evində məskunlaşan qızlar burada izaholunmaz və qorxulu hadisələrlə üzləşirlər. Çox keçmir ki, əmilərinin qədim ailə lənətini dəf etmək və qardaşı qızlarını qorumaq üçün qara magiyaya əl atdığı üzə çıxır.

İndi qəhrəmanlar nəsillərinin nə üçün lənətləndiyini özləri araşdırmalıdırlar. Onlar ailəni məhv edən qaranlıq qüvvələrin növbəti qurbanına çevrilməmək üçün çıxış yolu tapmağa çalışırlar.

İndoneziya istehsalı olan qorxu filmini rejissor Upi Avianto ərsəyə gətirib. 2024-cü ildə çəkilən layihənin baş rollarında Hana Malasan, Yasamin Casem, Eqi Fedli və Ratu Felişa çəkiliblər.