KKN. Rəqs kəndinin ruhu

Hadisələr 1980-ci ildə Şərqi Yavada cərəyan edir. Mila ağır xəstə anasını xilas etmək ümidi ilə dostlarını da yanına alaraq meşənin dərinliyində yerləşən ucqar kəndə üz tutur. Qızın məqsədi ailəsindəki qədim, ağır qolbağı öz yerinə qaytarmaqdır.

Kəndə çatdıqda bəlli olur ki, yerli başçı yenicə dünyasını dəyişib, digər məsul şəxs isə kənddə yoxdur. Gənclər gecəni küçədə keçirmək qərarına gəlirlər, Mila isə yerli bir qızın evinə sığınır. Çox keçmədən qız ev sahibəsinin anasının da eyni sirli xəstəlikdən əziyyət çəkdiyini öyrənir.

İndoneziya istehsalı olan «KKN Badarawuhi di Desa Penari» qorxu filminin rejissoru Kimo Stamboldur. 2024-cü ildə təqdim olunan ekran əsərində baş rolları Maudi Effrosina, Aulia Sarah, Klaresta Taufan Kusumarina və Jordi Pratama canlandırıblar.