The Innocents

Miss Qiddens valideynlərini itirmiş iki uşağa, Maylz və Floraya mürəbbiyəlik etmək üçün böyük bir malikanəyə gəlir. Balaca qız ilk baxışdan son dərəcə məsum görünür, tezliklə məktəbdən vaxtından əvvəl qayıdan Maylz da ədəbli davranışı ilə seçilir. Lakin yeni dayə tezliklə uşaqların davranışlarında şübhəli məqamlar sezməyə başlayır.

Oğlanın məktəbdən qovulması sirr olaraq qalır və bu hadisə qadını narahat edir. Eyni zamanda böyük evdə qorxulu hallar baş verir: malikanədə bu yaxınlarda vəfat etmiş əvvəlki mürəbbiyənin və bağbanın ruhları peyda olur.

1961-ci ildə ekranlara çıxan «The Innocents» qorxu filmi Böyük Britaniyada çəkilib. Rejissor Cek Kleytonun ekran əsərində baş rolları Piter Uinqard, Pamela Franklin, Meqs Cenkins və Maykl Redqreyv canlandırıblar.