Ovsun

Bir neçə il əvvəl internet üçün maraqlı kadrlar axtaran Ruonan və dostları qadağan olunmuş köhnə bir tunelə daxil olurlar. Yerli ayin qaydalarını pozan gənclər bununla qaranlıq bir qüvvəni oyadırlar. Baş verən hadisələrdən sonra qızın ailəsi həyatını itirir, özü isə yeni doğulmuş körpəsini qorumaq məqsədilə uşaqlar evinə verməyə məcbur qalır.

Altı ildən sonra Ruonan bəladan qurtulmağın yolunu tapdığını düşünərək qızını geri almaq qərarına gəlir. Lakin uşaq evə qayıtdıqdan dərhal sonra ətrafda yenidən qorxulu və izaholunmaz hallar baş qaldırır. Beləliklə, ananın keçmişdə etdiyi səhvin nəticələri balaca qıza da təsir etməyə başlayır.

«Ovsun» (Zhou) filmi 2022-ci ildə Tayvanda çəkilmiş mistik qorxu layihəsidir. Ekran işinin rejissoru Kevin Ko, baş rolların ifaçıları isə Tsai Hsuan-yen və Huang Sin-tingdir.