Deleter

Layra video platformasında moderator kimi çalışır və hər gün çoxsaylı xoşagəlməz, qorxulu görüntüləri yoxlamaq məcburiyyətində qalır. Belə ağır iş mühiti işçilərin psixologiyasına təsirsiz ötüşmür. Günlərin birində onun həmkarı elə iş yerindəcə əsəb böhranı keçirir.

Həmin hadisədən bir neçə gün sonra qız ofis binasının damından tullanaraq həyatına son qoyur. Baş verən faciədən sonra «Deleter» filminin qəhrəmanı Layra intihar edən iş yoldaşının kabusunu görməyə başlayır.

Filippin istehsalı olan bu qorxu filmi 2022-ci ildə rejissor Mixail Red tərəfindən çəkilib. Ekran əsərində əsas rolları Nadin Lüstre, Luiza de los Reyes, MakKoy De Leon və Ceffri İdalqo canlandırır.