Qara magiya kraliçası

Hanif böyüdüyü uşaq evinə ailəsi ilə birlikdə xəstə və yaşlı müdiri ziyarət etmək üçün yola düşür. Yol boyu onların maşını qəfil bir marala çırpılır. Həmin vaxt uşaq evinə Hanifin iki köhnə dostu da həyat yoldaşları ilə gəlir. İnternatın uşaqları avtobusla ekskursiyaya göndərildiyi üçün orada qalan azyaşlı qızlardan biri Hanifin oğluna qara sehrlə məşğul olmuş axsaq tərbiyəçi haqqında yerli rəvayəti danışır.

Qonaqlar gecəni internatda keçirmək qərarına gəlsələr də, Hanif yolda vurduğu maral haqqında düşünməkdən əl çəkə bilmir. O, dostu ilə birlikdə hadisə yerinə qayıdır və yol kənarında qana batmış bir qız uşağı tapır. Bir qədər irəlidə isə içindəki bütün uşaqların həlak olduğu ekskursiya avtobusu dayanır.

İndoneziya istehsalı olan «Qara magiya kraliçası» qorxu filmini rejissor Kimo Stambol lentə alıb. Ekran işi 2019-cu ildə işıq üzü görüb. Əsas rolları Ario Bayu, Hanna Al Raşid, Adhisti Zara və Muzakki Ramdhan canlandırıb.