Ikut Aku ke Neraka

Lita adlı gənc qadın uğurlu həyat yoldaşı Rama ilə birlikdə körpələrinin dünyaya gəlişinə hazırlaşır. Hamiləliyin son aylarında ərinin tapdığı plastik cərrah Litaya arxasındakı anadangəlmə ləkədən qurtulmağa kömək edir. Əməliyyat problemsiz bitsə də, bədəndəki izin silinməsi dərhal qəribə hadisələrə yol açır.

Çox keçmədən Litaya qorxunc bir qadın ruhu rahatlıq verməməyə və hər yerdə onu təqib etməyə başlayır. Ailəsini bu kabusdan xilas etmək istəyən ər-arvad baş verənləri araşdırarkən anlayırlar ki, fövqəltəbii hadisələr birbaşa həmin izin sirri və Litanın keçmişi ilə əlaqəlidir.

İndoneziya istehsalı olan «Ikut Aku ke Neraka» adlı qorxu filmi 2019-cu ildə rejissor Azhar Kinoi Lubis tərəfindən çəkilib. Ekran əsərinin baş rollarında Klara Bernadeth, Rendy Kjaernett, Cut Mini Theo və Sara Wijayanto çıxış edir.