DreadOut

Sosial şəbəkələrdə məşhurlaşmaq istəyən bir qrup yuxarı sinif şagirdi tərk edilmiş bir binaya yollanır. Gənclər buradan canlı yayım açaraq izləyicilərin diqqətini çəkməyi planlaşdırırlar. Lakin bina daxilindəki axtarışlar gözlənilmədən paralel dünyaya açılan qapının tapılması ilə nəticələnir.

Qadağan olunmuş məkana addım atan yeniyetmələr o biri tərəfdə yaşayan qırmızı geyimli cadugərin qəzəbinə tuş gəlirlər. Bu qorxunc varlıq öz aləminə daxil olan çağırılmamış qonaqları heç də xoş qarşılamır və gənclər üçün əsl təhlükə başlayır.

2019-cu ildə İndoneziya və Cənubi Koreya tərəfindən istehsal olunan «DreadOut» qorxu filminin rejissoru Kimo Stamboldur. Ekran əsərində əsas rolları Keytlin Halderman, Cefri Nikol, Marşa Aruan və Çiçço Manassero canlandırıblar.