Münafiq 2

Ailəsinin faciəvi itkisindən iki il ötsə də, din xadimi və şəfaçı Ustaz Adam qaranlıq qüvvələrdən əziyyət çəkən insanlara yardım etməyə davam edir. O, cadu və pis ruhların təsiri altına düşən çarəsiz kəsləri xilas etmək yolunu seçib. Lakin uzaq bir kənddə baş verən hadisələr onu yeni və qorxunc bir sınaqla üz-üzə qoyur.

Həmin kənddə tənha yaşayan Sakina adlı qadın xəstə atasına və qızına baxarkən yerli təriqət rəhbəri Əbu Cər tərəfindən təzyiqlərlə qarşılaşır. Dini təlimləri saxtalaşdıraraq camaatı qorxu içində saxlayan bu şəxs və onun xidmətində olan qara qüvvələr Sakinanın ailəsini hədəf alır. Qadının kömək axtarışı Adamı həmin kəndə gətirir və o, həm yoldan çıxmış bu təriqətlə, həm də öz daxili qarabasmaları ilə mübarizə aparmalı olur.

Malayziya istehsalı olan «Munafik 2» qorxu filminin rejissoru həm də baş rolu canlandıran Syamsul Yusofdur. 2018-ci ildə ekranlara çıxan ekran əsərində rolları Maya Karin, Nasir Bilal Khan və Fizz Fairuz paylaşıblar.