Haunted Road 2

Çindən Malayziyaya iş üçün yollanan gənc cütlük Bay Lin və Vey Tszün istirahət məqsədilə Qentinq Haylends kurortuna gedir. Yerli kazinoda böyük məbləğdə pul udan gənclər gecələmək üçün yer axtarmağa başlayırlar. Nəticədə onlar pis şöhrətə malik Amber Court hotelində boş qalan yeganə otağı güclə kirayələyirlər. Yolda qəzaya uğrayıb ölən qadının cəsədini görən Bay Lin nömrənin 1174 rəqəmindən də çin numerologiyasına görə bəd xəbər duyur.

Hoteldə məskunlaşdıqdan az sonra qorxunc hadisələr bir-birini əvəz edir. Xurafatçı qız müəmmalı kabuslarla üzləşir və bu qarabasmalar onu addım-addım izləyir. Cütlüyün arasındakı gərginlik artdıqca hotel otağında vəziyyət daha da təhlükəli hal alır.

2017-ci ildə ekranlara çıxan «Haunted Road 2» qorxu filmi Çin, Tailand və Malayziya kino ustalarının birgə layihəsidir. Ekran işinin rejissoru Rayon Li, baş rolların ifaçıları isə Yuan Chen, Li Çuan, Teddy Chin və Alvin Chean Wah Chongdur.