Hospital

Amira adlı gənc qız iş tapmaq məqsədilə şəhərə üz tutur. O, yerli xəstəxanalardan birində tibb bacısı kimi işə düzəlir, lakin çox keçmədən burada qəribə hadisələrlə üzləşir. Şəfa ocağının divarları arasında naməlum qadın ruhu addım-addım onu izləməyə başlayır.

Başına gələnlərdən qorxuya düşən Amira vəziyyəti aydınlaşdırmaq qərarına gəlir. O, bu sirli varlığın əslində niyə narahat olduğunu araşdırır və ruhun köməyə ehtiyac duyduğunu başa düşür.

Malayziya istehsalı olan «Hospital» qorxu filmi 2017-ci ildə ekranlara çıxıb. Ekran əsərinin quruluşçu rejissoru Mohd Azaromi bin Mohd Ghozalidir, əsas rolları isə Fatin Afeefa, Shima Anuar, Fizz Fairuz və Fareez Fauzi canlandırıb.