Yuxusuzluq

1990-cı ildə doktor Lam insan beyninin yuxuya olan tələbatını və yuxusuzluğun bədənə təsirlərini öyrənməklə məşğul olur. O, insanın ümumiyyətlə yatmadan yaşaya bilib-bilməyəcəyini elmi cəhətdən araşdırır. Həmin vaxt onun yanına on il əvvəl münasibətlərini bitirmiş keçmiş sevgilisi gələrək xəstə qardaşı üçün kömək istəyir.

Məlum olur ki, qadının ailəsi nəsildən-nəslə ötürülən qorxunc bir xəstəlikdən əziyyət çəkir. Müəyyən dövrdən sonra ailə üzvləri tamamilə yuxudan məhrum olur, hallüsinasiyalar görür və sonda həyatını itirir. Həkim bu qəribə xəstəliyin səbəblərini araşdırmağa başlayır.

2017-ci ildə Honkonqda çəkilmiş «Yuxusuzluq» qorxu filminin rejissoru Herman Yaoudur. Ekran əsərində əsas rolları Entoni Von, Qordon Lam, Mişel Vay və Cocolo Qo canlandırıb.