Xəstə 27

Sezar tibbi laboratoriyada müvəqqəti iş taparaq vəzifəsinin icrasına başlayır. Qısa müddət sonra o, müəssisədə saxlanılan 27 nömrəli pasiyentin müalicəsi ilə bağlı baş verən qəribə və qorxulu halları sezməyə başlayır.

Şahidi olduğu hadisələr gəncin rahatlığını əlindən alır, onu yuxusuzluğa və hallüsinasiyalara sürükləyir. Sezarın iş yoldaşları Markos və İsela isə onun bu narahatlığını və gördüklərini sadəcə yorğunluqla əlaqələndirirlər. Ətrafdakılar vəziyyətin nə dərəcədə real təhlükə yaratdığını anlaya bilmirlər.

«Paciente 27» qorxu filmi 2014-cü ildə Meksikada çəkilib. Ekran əsərinin rejissoru Alexandro C. Aleqredir, əsas obrazları isə Markos Duarte, Isaac Perez Calzada, Itzel Enciso və Encel Qarnisa canlandırıb.